டியூஷன் கதைகள் - பாகம் 1

நண்பர்களே,

சில நாட்கள் முன்பு ஒரு மின்னஞ்சல் தொடரில் இந்த டியூஷன் பற்றி ஒரு சிறு சிந்தனை பரிமாற்றம் நடை பெற்றது, அதை தொடர்ந்து இந்த பதிவு. நம்ம ஊரு டியூஷன் ஒரு விசேஷமான சமாசாரம். இந்த டியூஷன் என்பது ஆரம்ப பள்ளி முதல் கல்லூரி வரை தொடர்கிறது. மேலும் நுழைவு தேர்வுகள் சார்ந்த வகுப்புகள். சற்றே சிந்தித்து பார்க்கையில் ( என் கருத்து ) இந்த டியூஷன் ஒரு விதமான வளர்ந்த குழந்தைகள் காப்பகம்.

நான் படித்த ( சென்றும் படிக்காத ) டியூஷன்அனைத்தும் ஒரு ஜாலியான அனுபவம். நான் ஒன்பதாவது வகுப்பில் படிக்கும் சமயம் ஒரு நாள் திடீரென்று நான் கணக்கில் வீக் என்று குடும்ப மக்கள் முடிவு செய்தனர். எதனால் வீக் என்று ஆராய்ச்சி எல்லாம் நடந்த்து. வழக்கம் போல் Cricket, கதை புத்தகம் படித்தல் போன்ற அணைத்து காரணங்கள் கண்டுபிடிக்கப்பட்டு பின்னர் டியூஷன் தான் இவன் கணக்கு குறைகளை போக்கும் என முடிவு எடுக்கப்பட்டு என் டியூஷன் நாட்கள் தொடங்கின. ராஜகோபாலன் சார் வீட்டில் கணக்கு டியூஷன் ஆரம்பித்தது இது ஒரு விசேஷமான இடம். அவருக்கு எங்கள் குடும்பம் முழுவதும் தெரியும் இது பல இன்னல்களை விளைவித்தது. நான் டியூஷன் கட் அடித்தது, OP அடித்தது எல்லாம தெரிய வந்திடும். வழக்கமான திட்டுகள், வாழ்த்துக்கள் இதனுடன் எனது டியூஷன் தொடர்ந்தது. இந்த சமயம் எனது டியூஷன் நட்பு சங்கலி வளர ஆரம்பித்தது. நான் மற்றும் சுரேஷ், துரைசுவாமி மற்றும் ஒரு சிறைய குழு கணக்கு டியூஷன் போனது ஒரு மறக்க முடியாத அனுபவம். அதே சமயம் டியூஷன் போகும் வழியில் ஒரு வீட்டில் ஜன்னல் வழியாக VCR படம் பார்க்கும் வாய்ப்புகள் மற்றும் டியூஷன் நண்பர்கள் இது எல்லாம் ஒரு பெரிய பொழுது போக்காக மாறியது. நான் கணக்கு படித்தது ரொம்ப குறைந்த நேரம் அனால் இதர கேளிக்கைகளில் செலவு செய்த நேரம் ஏராளம். இந்த நாட்களில் நடந்த ஒரு சம்பவம், ஒரு நாள் நான், சுரேஷ் மற்றும் துரைசுவாமி ஒரு Cycle'இல் triples சென்றோம். பக்கத்தில் உள்ள B-8 Police துணை ஆய்வாளர் எங்களை பிடித்து விட்டார். நங்கள் சென்ற வாடகை சைக்கிள் காபந்து செய்ய பட்டது .

தொடரும்,

சிவா

பி.கு. சுரேஷ் மிச்ச பக்கத்தை நீ எழுத வேண்டும்