சிவா பதில்கள்

நண்பர் கிவியனின் கேள்விகள் மற்றும் எனது பதில்களும்


1. சமீபத்தில் எப்போது மன்னிப்பு (sorry) கேட்டாய்? இல்லை கேட்டிருக்கலாம் என்று பின்பு தோன்றிய சம்பவம்?

தினமும் ஏதாவது காரணத்திற்கு யாரிடமாவது மன்னிப்பு கேட்பது இயற்கை. இதை கணக்கு எல்லாம் வைப்பதில்லை.

2. தேர்தலில் ஓட்டு போட்டது உண்டா? இல்லை என்றால் ஏன் போடவில்லை என்று விளக்க முடியுமா? அப்படி ஓட்டு போடாத போது தேர்ந்தெடுக்கப்பட்ட அரசாங்கத்தை நீங்கள் விமர்சிப்பது சரியா?

அமெரிக்காவில் சென்ற நான்கு ஆண்டுகளாக ஒட்டு போட்டதுண்டு, அனால் இந்தியாவில் ஒரு முறை கூட போட்டதில்லை. ஒரு முறை முயற்சி செய்தேன் அனால் வேறு யாரோ போட்டுவிட்டார்கள்.

3. கடவுள் நம்பிக்கை உண்டா?

வெகு காலமாக இந்த கேள்விக்கு எனக்கு நானே பதில் தேடுகிறேன், ஆனால் பதில் கிட்டவில்லை. அடி மனதில் Darwin VS கடவுள் விவாதங்கள் வந்ததுண்டு. அதே மனதில் பரிட்சைகளுக்கு முன்பு கடவுள் உதவுவார் போன்ற நம்பிக்கையும் வந்ததுண்டு.

4. வழகத்திகலிருந்து மாறுபட்டு எப்போதாவது எதையாவது புதிதாக முயற்சித்தது உண்டா?

இந்த கேள்விகள் பதில் எழுதுவது எனது மிக சமீபத்து புது முயற்சி

5. சமீபத்தில் எதாவது விளையாட்டில் (வீட்டுக்கு வெளியே) ஈடுபட்டது உண்டா? இல்லை என்றால் ஏன் விளையாட தோண்றவில்லை என்று யோசித்தது உண்டா?

நான் தினமும் வாகனம் ஓட்டுவதே ஒரு விளையாட்டு. மற்றவர்கள் இதை வேறு மாதிரி வர்ணிக்கலாம்.

6. கடைசியாக அழுதது எப்போது இல்லை மனம்விட்டு சிரித்தது??

அழுதது - எனது தந்தையின் பிரிவினை அறிந்த நேரத்தில்.
சிரித்தது - சமிபத்தில் ( Youtube மூலமாக) பார்த்த நகைச்சுவை துனுக்ககள்

7. என்ன புத்தகம் படித்துக் கொண்டிருக்கிறீர்கள், இல்லை கடைசியாக படித்தது (பேப்பர்னு சொல்ல கூடாது)??

ஆங்கிலம் - Thomas Friedman's Hot, Flat and Crowded.
தமிழ் - பாலகுமாரனின் " சுந்தரி கண்ணால் ஒரு செய்தி "

8.உங்களுக்கு ஏதாவது தனி திறமை இருக்கிறதா??

நன்றாக சாப்பிடுவது, தூங்குவது போன்ற பல திறமைகளுடன் வாழும் சராசரி ஆசாமி.

9. உங்களுக்கு பிடித்த சுற்றுலா தலம் (அ) போக விரும்பும் இடம் (அ) வீட்டிலிருந்து அதிக தூரம சென்ற இடம்??

ஹவாய் தீவுகள். மற்றும் இருபது வருடங்களுக்கு முந்திய மதுரை மற்றும் இந்தியா.

10. வாழ்வில் சந்தோஷம் என்பது?

தினமும்.